حتى الحلم يا مصرى عليك كتير

حتى الحلم يا مصرى عليك كتير

أحلم وبلاش أحلم
تقطع عنى المنـام

أتمنى ولية لأَ ؟؟؟؟
اتمنى أكون إنسـان

حلمى أبدا ما كان كبير
حلمى اعيش فى أمان

ضميرك مات وتغدر
وناسى ملاقاتك الديان

تعملى عاهه دايمه
و تظلم وظـلمك أكيد

وتقتـل ومااتخافـشى ربك
هتروح فين من دم الشهيد

ظلمتنى بظـلم كبير
وحلمى لفيته فى الاكفان

وحرقت البشر والارض
جريمتك كامله فى الاركان


تظلم وظـلمك أكيد
وشرعيتى تملى كل مكان

وتقتل ساجد وراكع
والمعتقـل حرقته بالنيران

دم الشهيد لعنه عليك
وربك لا غافل ولا نعسان

ياشهيد عليك رحمة ونور
واللعنه على كل جبان

يا شهيد الثورة أصبحت لنا وسام
يا رمز الرجوله يا بطل

أحرار رفضو الذل , رفضو
الكذب ، رفضو الدجل

أحرار, رفضو المهانه
وفى الشجاعه ضربو المثل

رابعه غرة بتلالى على الجبين
يسقط طغاة الحصان والجمل

مش هنرجع, مش هنعود,
مهـما سفك مهما قتل

رخصت حياتنا ، ورخص
الاجل , ظلم الطغاة ابدا لا يحتمل

رفضنا الانسحاب رفضنا الملل
وظلم الطغاه هيبوء بالفشل

إتهمونا بالتقصير
وعجلة الحياه بالشلل

إتهمونا بالكسل وقالو شباب
نت ، مالهوش فى العمل

يا عسكرى، عفواً
السلطه مـش احـكار

مريض يتحدى الزمـن
وهزيل هيعـمل ابتكار

إحنا الشباب، إحنا،
النشاط ، إحـنا لبكره أمل

احنا العزيمه والصمود
يضرب بها أعـلى مـثل

من كلــــمات شاعر الثوره
الشــاعـر:عبدالناصر السوهاجى